Somos un club modesto, pero cun gran corazón
No noso club, o noso principal obxectivo é que os nenos e nenas non só practiquen deporte, senón que se divirtan, aprendan valores fundamentais como o compañeirismo, a superación e o respecto, e, sobre todo, fagan amigos que os acompañen no seu camiño. O hóckey patíns é moito máis que un deporte: é unha ferramenta para o seu crecemento persoal e social.
A nosa historia
Nacemos como club na tempada 19/20, aínda que antes pertencíamos a outra entidade deportiva. Ao principio eramos poucos, pero co tempo fomos medrando en número de xogadores e xogadoras, atraendo a máis familias que comparten o noso amor polo hóckey patíns. A día de hoxe, estamos orgullosos de contar con varias categorías que participan activamente en competicións:
- Escolas
- Prebenxamín
- Benxamín
- Alevín
Logros deportivos da tempada 2023-2024
A pasada tempada 23/24 foi un ano espectacular para o noso club, onde os nosos xogadores e xogadoras demostraron todo o seu talento, esforzo e paixón polo hóckey. Queremos destacar algúns dos fitos máis importantes:
- Pebenxamín e Alevín:
Tanto o equipo prebenxamín como o alevín conseguiron na tempada 23 chegar á liga Prata (segunda división), un enorme logro que reflicte a súa evolución constante. O seu traballo en equipo e dedicación leváronos a competir ao máis alto nivel dentro da súa categoría.
- Benxamín : O equipo benxamín acadou na tempada 23-24 un impresionante éxito ao chegar á liga Ouro (primeira división). Esta tempada proclamáronse campións, demostrando unha vez máis o seu espírito de loita e entrega en cada partido. Un orgullo para o clube!
Coa ilusión e o traballo de todos, seguimos medrando e formando aos nosos xogadores e xogadoras, fomentando non só o seu desenvolvemento como deportistas, senón tamén como persoas. Cada éxito acadado é unha celebración para toda a familia do club, e seguiremos loitando por máis!